Ҳамасола рўзи 27-июн  ҳамчун рузи Ваҳдати миллӣ ва эҳёи Тоҷикистон дар саросари ҷумҳурӣ бо тантана ҷашн гирифта мешавад.

Дар доираи чорабиниҳо бахшида ба 18-умин солгарди рўзи Ваҳдати миллӣ дар шаҳри Норак  дар бинои Қасри фарҳанг ҷамъомади тантанавӣ  баргузор гардид. Дар чорабинӣ раиси шаҳри Норак Фатҳулло Ҳурматзода инчунин  мудирони шуъбаю бахшҳо, роҳбарони корхонаю  муассисаҳо, фаъолони шаҳру деҳот  ширкат намуданд. Сараввал намояндаи Президенти кишвар  баромади пурмуҳтавои худро пешкаши ҳозирин намуда, дар бораи мушкилоти  ба даст омадани  Ваҳдати миллӣ, саҳми сарвари давлат ва мардуми Тоҷикистон дар он ёдовар шуд. 

      Баъд аз анҷоми қисми тантанавии чорабинӣ нафароне,ки дар рушду таҳкими Ваҳдати миллӣ дар шаҳр саҳми арзанда гузоштанд,бо ифтихорномаи мақомоти иҷроияи ҳокимияти давлатии  шаҳри Норак сарфароз гардонида шуданд.

Баҳри фароғати ҳозирин санъаткорони шаҳр барномаи рангини фарҳангиро пешкаши ҳозирин намуданд. Баъд аз анҷоми барномаи консертӣ  ҳунармандони  муассисаи давлатии Театри ҷумҳуриявӣмусиқӣ-драмавии ноҳияи Данғара бо намоишномаи “Гар зан ба шўр ояд”ҳунарнамоӣ намуда, ба он ҳусну таровати тозае  зам намуданд.

   Рўзи Ваҳдати миллӣ дар шаҳри Норак бо шукўҳу шаҳомат  ҷашн гирифта шуд.