МАҚОМОТИ ИҶРОИЯИ ҲОКИМИЯТИ ДАВЛАТИИ
 ШАҲРИ НОРАК
 

 

 

 

Дасти сахо кам намешавад

Рӯзи  10  майи  соли  2020  раиси   шаҳри  Норак  Неъматзода  Маликшо  Маҳмадшо  аз  иқдомҳои  саховатмандони  соҳибкорони  маҳаллӣ  Муҳидов  Абдурасул,  Азимов Хӯҷамурод, Табаров  Муҳиддин,  Раҳимов  Ҷамшед, Сангов  Аҳлиддин, Табаров  Хуршед, соҳибкори  ватанӣ Шамсулло  Соҳибов бо  мақсади  амалигардонии  дастуру  супоришҳои  Президенти  Ҷумҳурии  Тоҷикистон  муҳтарам  Эмомалӣ  Раҳмон оид  ба  пурзӯр   намудани   чораҳои  пешгирии  паҳн  гардидани  сирояти  коронавирус  дар  ҷумҳурӣ  изҳори   қаноатмандӣ  намуда, зикр  намуданд, ки соҳибкорони  ватандӯст танҳо дар ҳафтаи охир  ба  маблағи  умумии  150 ҳазор  сомонӣ  маводҳои  доруворӣ,  сару  либоси  тиббӣ,  рахти  хоб,  маводҳои   безараргардонӣ,  таҷҳизотҳои тиббӣ  ба  соҳаи  тибби  шаҳр ёрии  беғаразона  расонданд.

 

Кормандони  муассисаю корхонаҳои   шаҳр  ба  суратҳисоби  махсуси   беморхонаи  марказӣ  оид  ба  мубориза  бар  зидди   сирояти  коронавирус  ба  ҳолати  11.05.2020  33,103   сомонӣ  ирсол  намудаанд.

 

Бо  мақсади  дастгирии   24  нафар  кормандони  шуъбаи  сироятии  беморхонаи  марказӣ  ба  онҳо  маводҳои  хӯрока  ройгон  дастрас  карда  шуд. Ба  100  нафар  ятимон,  маъюбон,  ниёзмандон маводи  хӯрока тақсим  гардид.

 

Раиси  шаҳр  ба  соҳибкорону  шаҳрвандони  ватандӯст  барои  дастгириҳояшон  изҳори  миннатдорӣ  намуда,  изҳор  доштанд, ки   саховатмандӣ   дар ин  лаҳзаҳои   ҳассос  камоли ҷавонмардию  мардонагӣ буда,  танҳо  дар  сарҷамъию  якдилӣ  мо  метавонем  вабои  асрро  паси  сар  намоем.