МАҚОМОТИ ИҶРОИЯИ ҲОКИМИЯТИ ДАВЛАТИИ
 ШАҲРИ НОРАК
 

 

 

 

Дастгирии табибон дар мадди аввал

Рӯзи  13  майи  соли  2020  таҳти  раёсати раиси  шаҳри  Норак Неъматзода  Маликшо  Маҳмадшо  ситоди  шаҳрӣ  оид  ба  пурзӯр  намудани  чораҳои, зиддиэпидемикӣ  барои  пешгирии  интиқол  ва  пайдоиши  сирояти  нави  коронавирус  баргузор  гардид.  Ба  масъалаи бе зарурат  аз  манзили   истиқоматӣ   набаромадани  аҳолӣ,   бахусус  ҷавонон, назорати ҷиддии волидон оид ба кӯча бе ниқоб баромадани фарзандон, тақвияти ҳаракати волонтёрӣ барои расонидани кӯмак ба беморон ва шахсони камбизоат   баррасӣ  ва  чораҷӯӣ  карда  шуд.  Дастгирии   ҳамаҷонибаи  кормандони  соҳаи   тиб,  таъмин  бо   доруворӣ, хлор,  хилъатҳои  бисёркарата,  маводҳои   хӯрока  аз ҳисоби   буҷаи  маҳаллӣ,  дастгирии   соҳибкорони  маҳаллӣ,  шахсони   саховатпеша  дар  мадди  назари  аъзои   ситод  қарор  дошт.