МАҚОМОТИ ИҶРОИЯИ ҲОКИМИЯТИ ДАВЛАТИИ
 ШАҲРИ НОРАК
 

 

 

 

 

Декабр 2023
Норак

АЁДАТИ СОБИҚАДОРОНИ ХИЗМАТИ ДАВЛАТӢ ВА ХОҶАГИИ ХАЛҚИ ШАҲР БА МУНОСИБАТИ 29-СОЛАГИИ РӮЗИ ТАЪСИСЁБИИ ҲХДТ

Имрӯз 7 декабри соли 2023 тибқи дастуру супоришҳои раиси шаҳри Норак муҳтарам Асозода Дилшод Алимурод аз ҷониби муовини якуми раиси шаҳри Норак Азимзода Шуҳрат, муовинони раиси шаҳр Ҳакимзода Зуҳро ва Маҳмадизода Хайриддин як қатор собиқадорони меҳнат дар соҳаи хизмати давлатӣ ва дигар соҳаҳои хоҷагии халқи шаҳр, ки дар пешрафту тараққии соҳаҳои гуногуни кишвар саҳм гузоштаанд, бахшида ба 29-солагии Рӯзи таъсисёбии Ҳизби Халқии Демократии Тоҷикистон аёдат ва бо ин Рӯзи таърихӣ табрику таҳният карда шуданд.
 

ҲАМДАРДИИ ПРЕЗИДЕНТИ ҶУМҲУРИИ ТОҶИКИСТОН БИНОБАР ДАРГУЗАШТИ АМИРШО МИРАЛИЕВ

Имрӯз яке аз ходимони намоёни давлатии Ҷумҳурии Тоҷикистон – собиқ мушовири давлатии Президенти Ҷумҳурии Тоҷикистон оид ба сиёсати кадрҳо, вакили Маҷлиси намояндагон, Раиси вилояти Хатлон, узви Маҷлиси миллӣ ва Роҳбари Дастгоҳи иҷроияи Президенти Ҷумҳурии Тоҷикистон Амиршо Миралиев дар синни 77-солагӣ вафот кард.
 
Ӯ дар тамоми давраи фаъолияти тӯлонии сиёсиву давлатии худ ба мардум ва давлати Тоҷикистон содиқона хизмат кард.
 
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бинобар даргузашти Амиршо Миралиев ба аҳли оила ва наздикону пайвандони ӯ изҳори ҳамдардӣ намуданд.

Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030

Имрӯз дар толори хурди мақомоти иҷроияи ҳокимияти давлатии шаҳри Норак семинари омӯзишӣ оид ба иҷрои бандҳои нақша чорабиниҳои "Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030" бо иштироки намояндагони Маркази такмили ихтисоси кормандони мақомоти муқовиматкунанда бо коррупсияи Академияи идоракунии давлатии назди Президентӣ Ҷумҳурии Тоҷикистон, намояндаи Дафтари САҲА дар Ҷумҳурии Тоҷикистон, муовини раиси шаҳри Норак Ҳакимзода Зуҳро Маҳмадсаид ва аъзоёни комиссия Стратегия доир карда шуд.

ТАҶЛИЛИ 29 СОЛАГИИ РӮЗИ ТАЪСИСЁБИИ ҲХДТ ДАР ШАҲРИ НОРАК

Санаи 6-уми декабри соли ҷорӣ дар толори филиали "Нерӯгоҳи Норак"-и ҶСК " "Барқи тоҷик" бахшида ба 29 солагии рӯзи таъсисёбии Ҳизби Халқии Демократии Тоҷикистон чорабинии тантанавӣ ташкил ва гузаронида шуд.
 
Дар маҷлиси тантанавӣ раиси шаҳри Норак Асозода Дилшод Алимурод, раиси КИ ҲХДТ дар шаҳри Норак Ҳасанзода Шаҳло Ҳасан, раисони ташкилоту муассисаҳо, аъзоёну фаъолони ҳизб ва намояндагони ТҶҶ "Созандагони Ватан" иштирок варзиданд.
 

Муфассал: ТАҶЛИЛИ 29 СОЛАГИИ РӮЗИ ТАЪСИСЁБИИ ҲХДТ ДАР ШАҲРИ НОРАК

БАРГУЗОРИИ ХОНИШХОИ СИЁСӢ ТАҲТИ УНВОНИ "ТАРБИЯИ ВАТАНДӮСТИИ ШАҲРВАНДОН - ОМИЛИ ТАҲКИМИ ПОЯҲОИ ДАВЛАТДОРӢ"

Дар доираи Нақша чорабиниҳои хонишҳои сиёсӣ бо мақсади ташакулли мафкураи ҳуқуқии ҷавонон ва аҳолӣ таҳти унвони "ТАРБИЯИ ВАТАНДӮСТИИ ШАҲРВАНДОН - ОМИЛИ ТАҲКИМИ ПОЯҲОИ ДАВЛАТДОРӢ" бо иштироки муовини раиси шаҳри Норак Ҳакимзода Зуҳро, мудири шубаи маорифи шаҳр Ҳайдарзода Садбарг, мудири бахши кор бо ҷавонон ва варзиши шаҳр Зайниддинов Азамат ва роҳбарияти муасисаи таълимӣ дар муассисаи таҳсилоти миёнаи умумии рақами 10-и деҳаи Чашмаи Ҷамоати деҳоти Дӯконии шаҳри Норак бо хонандагони сину соли 14-16 ва 17-18 сола ва волидайни онҳо гузаронида шуд.