 |
МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ НОРАК |
Рӯзи 15 марти соли 2020 дар доираи чорабиниҳои байни давлатӣ гурӯҳи адибон аз Ҷумҳурии Узбекистон ба шаҳри Норак ташриф оварданд. Меҳмононро раиси Иттифоқи нависандагони Тоҷикисон Низом Қосим ва дигар шоирону нависандагон ҳамроҳӣ намуданд.
Шуъбаи соядастҳои китобхонаи марказии ба номи «Дӯстии халқҳо»-и шаҳри Норак дорои 25735 нусха китобҳои шоирону нависандагон, арбобони сиёсии ҷаҳон мебошад, ки муаллифон бо соядаст ба китобхона тақдим намудаанд. Ин иқдом аз соли 1984 шуруъ гардида, то имрӯз давом дорад.
Боиси қайд аст, ки дар шуъба китобҳои шоирону нависандагон, ходимони сиёсии 15 ҷумҳуриҳои собиқ Иттиҳоди Шуравӣ низ маҳфуз мебошад.
Дар толори мақомоти иҷроияи ҳокимияти давлатии шаҳри Норак 5 марти соли ҷорӣ ҷамъомади тантанавӣ бахшида ба Рӯзи Модар- 8 март бо иштироки занони собиқадори меҳнат, фаъолзанони корхонаву муассисаҳои шаҳр, эҷодкорону ҳунармандон баргузор гардид.
Зимни суханронӣ раиси шаҳри Норак Неъматзода Маликшо Маҳмадшо нақши занонро дар пешрафти ҷомеа, саҳми арзандаи онҳоро дар тарзи ҳаёти солим, тарбияи насли наврас, корҳои ободонию созандагӣ ва бунёдкорӣ махсусан қайд намуд.
Рӯзи 5 марти соли 2020 вохӯрии раиси шаҳри Норак Неъматзода Маликшо Маҳмадшо бо 43 нафар донишҷӯдухтароне, ки тибқи квотаи президентӣ дар донишгоҳҳои ҷумҳурӣ таҳсил менамоянд, баргузор гардид.
Неъматзода Маликшо Маҳмадшо ифтихормандии худро барои бо ахлоқи намунавӣ ва бо баҳои аъло таҳсил намудани донишҷӯдухтарон изҳор намуда, онҳоро барои боз ҳам васеъ намудани донишу ҷаҳонбинӣ, азхуд намудани технологияи муосир ва донистани якчанд забонҳои хориҷӣ талқин намуд.
Рӯзи 4 марти соли 2020 раиси шаҳри Норак Неъматзода Маликшо Маҳмадшо бо коргарзанони муассисаи давлатии «Шуъбаи манзилию коммуналӣ ва хоҷагидорӣ»-и назди мақомоти иҷроияи ҳокимияти давлатии шаҳри Норак вохӯрӣ баргузор намуд. Зимни мулоқот раиси шаҳри Норак Неъматзода Маликшо Маҳмадшо саҳми арзандаи коргарзанонро дар тозаю озода нигоҳ доштани кӯчаю хиёбонҳо ва роҳраву гулгаштҳои шаҳр махсусан қайд намуд.
Иҷроиши буҷет ба ҳолати 1 октябр, 2019