МАҚОМОТИ ИҶРОИЯИ ҲОКИМИЯТИ ДАВЛАТИИ
 ШАҲРИ НОРАК
 

 

 

 

 

Август 2021
Норак

Минатдории раиси шаҳр

Раиси шаҳри Норак Асозода Дилшод Алимурод ба сардорони ҶСК "ЗТМ" ва ҶСК "ЗТТМ" Азимов Хуҷамурод ва Раҳимов Нуриддин барои аз ибтидои соли 2020 то имрӯз ба беморхонаи марказӣ ба тариқи ройгон ҳамарӯза расонидани кислород барои беморон изҳори сипос ва минатдорӣ намуд.


Қайд гардид, ки дар шаҳр сафи чунин роҳбарони хайрхоҳу ватандӯст рӯз то рӯз зиёд гашта, корҳои ободонию созандагӣ вусъати тоза гирифта истодааст.

Муфассал: Минатдории раиси шаҳр

Мақсад: пешгирии бемории сироятӣ

Имрӯз 1 июли соли 2021 дар толори хурди маҷлисгоҳи мақомоти иҷроияи ҳокимияти давлатии шаҳр Ситоди шаҳрӣ оид ба пурзӯр намудани чораҳои зиддиэпидемикӣ баргузор гардид.


Раиси шаҳр Асозода Дилшод Алимурод аъзои ситод, фаъолони шаҳр ва роҳбарони ташкилоту муассисаҳоро вазифадор намуд, ки дар ҳудуди шаҳр корҳои фаҳмондадиҳиро оид ба пешгирии бемории сироятӣ боз ҳам пурзӯр намоянд.

Муфассал: Мақсад: пешгирии бемории сироятӣ

Табрикоти раиси шаҳри Норак Асозода Дилшод Алимурод ба муносибати таҷлили ҷашни Ваҳдати миллӣ

Ҳамдиёрони гиромӣ!


Мақомоти иҷроияи ҳокимияти давлатии шаҳри Норак бо камоли эҳтиром мардуми сарбаланди шаҳр ва диёри азизамонро бо фарорасии ҷашни Ваҳдати миллӣ табрику таҳният намуда,ба ҳар як хонадон файзу баракат, ваҳдату якдилӣ ва осмони софро таманно менамояд.


Дар замони соҳибистиқлолӣ бо ибтикори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷашни Ваҳдати миллӣ баъд аз ҳазорсолаҳо умри дубора ёфт.


Таъмин намудани сулҳу оромӣ, суботи сиёсӣ ва Ваҳдати миллӣ, ки аз Иҷлосияи 16-уми Шӯрои Олии мамлакат сарчашма мегирад, барои қатъи мухолифати мусаллаҳона ва ҷангу хунрезӣ,сарҷамъии миллати тоҷик, ба Ватан баргардонидани гурезаҳо, бунёди давлати демократӣ, ҳуқуқбунёду дунявӣ ва таъсиси низоми ҳуқуқии адолатпеша асоси мустаҳкам гузошт. 

Муфассал: Табрикоти раиси шаҳри Норак Асозода Дилшод Алимурод ба муносибати таҷлили ҷашни Ваҳдати миллӣ

Ҷашни рӯзи Ваҳдати миллӣ

Рӯзи 25 июни соли 2021 дар толори Қасри фарҳанг чорабинии тантанавӣ бахшида ба 24-умин солгарди рӯзи Ваҳдати миллӣ баргузор гардид.


Раиси шаҳр Асозода Дилшод Алимурод ҳозиронро ба ин рӯзи таърихӣ шодбош гуфта, аз ҷумла қайд намуданд, ки таъмин намудани сулҳу оромӣ, суботи сиёсӣ ва Ваҳдати миллӣ, ки аз Иҷлосияи 16-уми Шӯрои Олии мамлакат сарчашма мегирад, барои қатъи мухолифати мусаллаҳона ва ҷангу хунрезӣ,сарҷамъии миллати тоҷик, ба Ватан баргардонидани гурезаҳо, бунёди давлати демократӣ, ҳуқуқбунёду дунявӣ ва таъсиси низоми ҳуқуқии адолатпеша асоси мустаҳкам гузошт.

Муфассал: Ҷашни рӯзи Ваҳдати миллӣ

Иҷлосияи хаштуми Маҷлиси вакилони халқи шаҳри Норак, даъвати шашум

Имрӯз бо иштироки раиси Маҷлиси вакилони халқи шаҳри Норак, раиси шаҳр Асозода Дилшод Алимурод дар толори маҷлисгоҳи мақомоти иҷроияи ҳокимияти давлатии шаҳри Норак иҷлосияи хаштуми Маҷлиси вакилони халқи шаҳри Норак, даъвати шашум баргузор гардид.


Аз рӯи рузномаи иҷлосия масъалахои зерин, аз қабили ҳисоботи сартабиби беморхонаи марказии шаҳри Норак дар бораи вазъи пешгирӣ аз паҳншавии сирояти нави коронавируси Covid-19, ҳисоботи Комиссияи доимии Маҷлиси вакилони халқи шаҳри оид ба риояи дастури Маҷлиси вакилони халқ, ҳисоботи вакилии вакили ҳавзаи интихоботии N°14 Фароғатзода Насиба, дар бораи тасдиқ намудани қарори раиси шаҳри Норак аз 30 марти соли 2021,N°124 «Дар бораи қарори раиси вилояти Хатлон аз 24 феврали соли 2021, N°43 «Доир ба рафти иҷрои қарори раиси вилояти Хатлон аз 2 октябри соли 2020, N°264 «Оид ба қарори Ҳукумати Ҷумҳурии Тоҷикистон аз 30 июли соли 2020, N°421 «Дар бораи дурнамои нишондиҳандаҳои асосии макроиқтисодии Ҷумҳурии Тоҷикистон барои соли 2021-2023 » ҳисобот доданд.

Муфассал: Иҷлосияи хаштуми Маҷлиси вакилони халқи шаҳри Норак, даъвати шашум