Боз як иқдоми созандаи соҳибкорон

Нашр шуд: 11.04.2021 08:47

Рӯзи 7 апрели соли ҷорӣ бо иқдому ташаббуси ободкоронаи соҳибкори маҳаллӣ Нуриддин Раҳимов корҳои таҷдиду азнавсозии кинотеатри "Вахш" оғоз гардид.
Кинотеатри мазкур аз солҳои 90-уми асри гузашта корношоям ва валангор гардида буд.

Бо пешниҳоди раиси шаҳр Асозода Дилшод Алимурод соҳибкори ватандӯст Нуриддин Раҳимов ва якчанд соҳибкорони маҳаллӣ иқдом гирифтанд, ки то ҷашни миллӣ 30-солагии Истиқлоли давлатӣ иншооти мазкурро пурра таъмиру таҷдид ва барқарор намуда, ба истифодабарӣ омода намоянд.