Имрӯз, 9 май дар майдони муҷассамаи ёдгории шаҳидони "Аскари номаълум"-и шаҳри Норак бо иштироки муовини раиси шаҳри Норак Ҳакимзода Зуҳро, мудири шуъбаи маориф Ҳайдарзода Садбарг, собиқадорони ҷангу меҳнати шаҳри Норак, чорабинии идона ба ифтихори 78-умин солгарди Рӯзи Ғалаба дар Ҷанги Бузурги Ватании солҳои 1941-1945 дар фазои мутантан баргузор гардид.

 

Бояд қайд намуд, ки дар таъмини Ғалаба дар Ҷанги Бузурги Ватанӣ бар муқобили фашизм ҷавонмардони бонангу номуси Тоҷикистон, фарзандони фарзонаи миллат, падарону бобоёни шуҷоъву далерамон низ бо корнамоиҳову қаҳрамониҳои хеш ба Ватан изҳори садоқатмандӣ намуда, дар ин зафари оламгир саҳми арзишманд ва босазо гузоштаанд. Хотироти неку наҷиби онҳо, ки баҳри ҳифзи марзу бум, халқу Ватан ва ояндаи насли тоҷик ҷоннисорӣ намудаанд, ҷовидонист.

Муфассал: МИЛЛАТУ ДАВЛАТ ФАРЗАНДОНИ ҶОНФИДОИ ХУДРО ФАРОМӮШ НАМЕКУНАД!

Истиқлоли давлатӣ ба Ҷумҳурии Тоҷикистон дар баробари дигар дастовардҳои бесобиқа, инчунин, ба баланд гардидани мақоми зан дар ҷомеаи суннатии тоҷик нақши мондагор гузошт. Бо фароҳам овардани шароити мусоид аз ҷониби Ҳукумати мамлакат ва дастгириҳои Пешвои миллат муҳтарам Эмомалӣ Раҳмон барои кору таҳсил бонувони тоҷик бо иқдомот ва ташаббусҳои худ собит намуданд, ки метавонанд дар тамоми соҳаҳо муваффақ ва дар баробари мардон дар рушду тараққиёти Ватани худ ҳиссагузор бошанд.

Имрӯз дастгирии занон дар сатҳи давлатӣ зери таваҷҷуҳи махсуси Пешвои миллат муҳтарам Эмомалӣ Раҳмон қарор дорад. Сарвари давлат бо қадршиносӣ аз хизматҳои зан – модари тоҷик чунин иброз медоранд: «Мо – мардон вазифадорем, ки ҳамеша ба қадри ранҷҳои кашидаи модарон, заҳмату хизматҳои занону духтарони худ ва умеду интизориҳои онҳо расем. Мо набояд фаромӯш кунем, ки аз пайғамбарон сар карда, тамоми нобиғаву алломаҳои башар аз домони поки модар ба дунё омадаанд ва дар оғӯши гарми ӯ бузург шудаанд».

 

Дар партави ҳидоятҳои ғамхоронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дастгирии оилаҳои иштирокчиёни Ҷанги Бузурги Ватанӣ ва дастуру супоришҳои раиси вилояти Хатлон муҳтарам Давлаталӣ Саид муовини раиси шаҳри Норак бо собиқадорони меҳнат дар арафаи 78-умин солгарди Иди Ғалаба оилаҳои иштирокчии Ҷанги Бузурги Ватаниро аёдат намуданд.

 

Зимни аёдат Зуҳро Ҳакимзода-муовини раиси шаҳри Норак аз аҳволи онон пурсон гардида изҳор доштанд, ки дастгирӣ намудан ба чунин оилаҳо ҳамеша зери таваҷҷуҳи давлату Ҳукумат бахусус Роҳбарияти Олии мамлакат қарор дорад.

Муфассал: АЁДАТИ ОИЛАҲОИ ИШТИРОКЧИЁНИ ҶАНГИ БУЗУРГИ ВАТАНӢ ВА СОБИҚАДОРОНИ МЕҲНАТ

Рӯзи 5 майи соли ҷорӣ дар Қасри фарҳанги шаҳри Норак консерти ҳисоботии солонаи хонандагони мактаби санъати бачгонаи шаҳр баргузор гардид.

Дар консерти ҳисоботӣ муовини раиси шаҳр -Ҳакимзода Зуҳро, намояндаи Раёсати фарҳанги вилояти Хатлон-Боймуродов Саидмурод ва падару модарони хонандагони мактаб иштирок доштанд.

 

Сараввал директори мактаби санъти бачагона Наҷмудлинова Нозигул суханронӣ намуда, дар бораи фаъолияти яксолаи ин даргоҳи ҳунар ҳисобот дода, зикр намуд, ки айни замон дар мактаби санъати бачагонаи шаҳр 175 нафар хонандагон дар шуъбаҳои мусиқӣ ва рассомӣ дар синфҳои рубоб, доира, аккордион, рақс, чанг, таблак, дабал, расмкашӣ, фортопияно, скрипка, овозхонӣ, ва най ба таҳсил фаро гирифта шудаанд.

Муфассал: ҲАР ЯК ХАЛҚУ МИЛЛАТРО БО ФАРҲАНГАШ МЕШИНОСАНД