ОИЛА- МАКОНИ МЕҲРУБОНӢ"–ТАҶЛИЛИ БОШУКӮҲИ РӮЗИ БАЙНАЛМИЛАЛИИ ОИЛА ДАР ШАҲРИ НОРАК
- Нашр шуд: 16.05.2023 02:16
15 май дар қасри фарҳанги шаҳри Норак бо иштироки раиси шаҳр Асозода Дилшод Алимурод,занону бонувони барӯманд, оилаҳои намунавӣ, аз қишрҳои гуногуни ҷомеа, роҳбарони ташкилоту муассисаҳо ва дигар намояндагон дар фазои мутантани адабӣ-фарҳангӣ Рӯзи байналмилалии оила таҷлил гардид. Нахуст раиси шаҳри Норак Асозода Дилшод Алимурод ҳамагонро бо Рӯзи байнамилалии оила таҳният гуфта, ба ҳама сокинони шаҳр ва иштирокдорон рӯзгори ободу осуда, саодати зиндагӣ ва маҷмӯи хушиҳои умрро таманно намуд. Роҳбари шаҳр зимни суханронии хеш иброз дошт, ки оила ва суннатҳои оиладорӣ дар ойинҳои мардумии тоҷик ба фарҳанг ва маърифати миллати куҳанбунёдамон асос ёфтаасту ҳамчун ниҳоди муқаддас эътироф гардида, мақсад аз таҷлили ин ҷашн устуворӣ, баланд бардоштани арзишҳои оилавӣ ва ҳалли мушкилоти мавҷудаи он мебошад. Зеро, беҳтарин арзишҳои инсонӣ аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оилаи солим ташаккул меёбад.ОИЛА МАНБАИ МЕҲРУ МУҲАББАТ
- Нашр шуд: 16.05.2023 02:12
«Оила дар фарҳанги мардуми кӯҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбад».Президенти Ҷумҳурии Тоҷикистон, муҳтарам Эмомалӣ Раҳмон.
Бахшида ба Рӯзи Оила дар толори бахши сабти асноди ҳолати шаҳрвандии шаҳри Норак бо иштироки Раиси шаҳр Асозода Дилшод Алимурод ва муовини раиси шаҳр Ҳакимзода Зуҳро ба 10 нафар кудакони нав таваллуд ва ба як ҷуфт навхонадорон шаҳодатномаҳо ба тариқи тантанавӣ супорида шуд.
Инчунин ба 4 оилаи намунавӣ тӯҳфаҳои хотиравӣ тақдим карда шуд.
ТАБРИКОТИ РАИСИ ШАҲРИ НОРАК МУҲТАРАМ АСОЗОДА ДИЛШОД АЛИМУРОД БАХШИДА БА РӮЗИ БАЙНАЛМИЛАЛИИ ОИЛА
- Нашр шуд: 16.05.2023 02:08
Ҳамдиёрони азиз!Зарур ба ёдоварист, ки Асамблеяи Генералии Созмони Милали Муттаҳид дар арсаи байналхалқӣ рӯзи 15 майро Рӯзи байналмилалии оила эълон намуда, аз соли 1993 то инҷониб ҷашн гирифта мешавад.
Ба ин муносибат ҳамаи Шуморо ба Рўзи оила табрик гуфта, саломатӣ, рӯзгори наку, хушбахтии оилавӣ ва хонаободиву сарбаландиро таманно менамоям.
Оила дар фарҳанги мардуми куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбанд.
Оила мактаби аввалинест, ки инсон дар он тарбият мегирад, донишу малакаи рўзгордориро аз худ мекунад, ҳамзистӣ бо атрофиёнро меомўзад ва ҳамчунин фарзандон ҳамарўза дар ин дабистоне, ки омўзгоронаш падару модар мебошанд, таълим мегиранд.
Бесабаб нест, ки бузургон оиларо шоҳсутуни зиндагӣ, асоси давлат, танзимгари рушду нумўи миллат номидаанд.
ВОХӮРИ БО КОРМАНДОНИ СОҲАИ ТАНДУРУСТӢ БАХШИДА БА РӮЗИ БАЙНАЛМИЛЛАЛИИ ОИЛА
- Нашр шуд: 16.05.2023 02:02
12 май дар беморхонаи марказии шаҳр бахшида ба Рӯзи байналмилалии оила вохӯри бо кормандони соҳаи тандурустӣ таҳти унвони “Ҳамеша бо ҳам бошед” баргузор гардид.Чорабинии мазкур бо ташаббуси масъулини бахши сабти асноди ҳолати шаҳрвандии Вазорати адлияи Ҷумҳурии Тоҷикистон дар шаҳри Норак ва бо иштироки муовини раиси шаҳр Зуҳро Ҳакимзода доир гардида, дар он масъалаҳои пешгирии парокандашавии оилаҳои ҷавон, зӯроварӣ дар оила ва бунёди оилаи солим аз ҷониби ҷавонон мавриди таҳлилу баррасӣ қарор гирифт,гуфта шуд, ки бояд ҷавонон ба ҳаёти мустақилона омода бошанду баъдан оиладор шаванд ва ҳамчун оилаи солим саҳми худро дар таҳкими муҳити зебои умр – оила гузоранд.