РАДДИЯ: ҲАДАФИ МО ВОЛОИЯТИ ҚОНУН ВА АМНИЯТУ ОРОМИИ КИШВАР АСТ!
- Нашр шуд: 08.06.2022 10:00
Изҳорот оид ба қазияи блогер Далери Эмомалӣ, ки дар расонаҳои дохиливу хориҷӣ чоп гардид, мавриди баҳсу мунозираҳои гуногун қарор гирифтааст. Ӯ, агар мавриди озору шиканҷа қарор гирифта бошад, итминон дорем, ки қонунгузор марҳилаи расмӣ ва ошкори ҳаллу фасли онро пешниҳод менамояд. Зеро ҳама дар назди қонун баробаранд. Изҳороти мазкур бошад, зери имзои созмонҳои хабарнигории кишвар, ҳафтаномаву рӯзномаҳои давлативу хусусӣ дар сомонаҳои моҷароҷӯе чун «Радиои Озодӣ», «Паём», «Азда» ва ғайра ин қазияро бо додани тобишҳои сиёсӣ нашр ва хилофи манфиатҳои миллӣ арзёбӣ карда, сиёсати иттилоотии давлатиро дар самти фароҳамсозии шароити мусоиди ВАО якҷониба инъикос менамоянд, ки ҳаргиз қобили қабул нест. Мо ин тарзи масъалагузориро қотеъона рад мекунем ва даъват менамоем, ки кӯшишҳои сиёсисозии ин қазия пешгирӣ карда шавад. Аз ҷониби дигар, дар сурате ки Тоҷикистон дар арсаи байналмилалӣ қадамҳои устувор мегузорад ва мизбони нишасту ҳамоишҳои сатҳи ҷаҳонӣ аст, пеш овардани масъалаи ҷузъии авбошӣ ба баррасии умумӣ салоҳи сиёсати калонмиқёси давлатӣ нест.
Муфассал: РАДДИЯ: ҲАДАФИ МО ВОЛОИЯТИ ҚОНУН ВА АМНИЯТУ ОРОМИИ КИШВАР АСТ!
3-юми июни соли равон семинари илмию амалии минтақавӣ дар мавзӯи "Риояи чорабиниҳои зиддиэпизоотӣ дар давраи рондани чорво ва чарогоҳҳо мавсимӣ" дар шаҳри Норак бо иштироки намояндагони Вазорати кишоварзӣ, Кумитаи бехатарии озуқаворӣ ва олимони академияи илмҳои кишоварзии Тоҷикистон баргузор гардида, дар кори семинар раиси шаҳри Норак муҳтарам Асозода Дилшод Алимурод иштирок ва суханронӣ намуданд.
Санаи 1-уми июни соли равон бахшида ба Рӯзи байналмиллалӣ ҳифзи кӯдакон аз ҷониби ҶДММ "ФОРМУЛА 55" ба кӯдакону наврасони имконияташон маҳдуд туҳфаҳои хотиравӣ тақдим карда шуданд.
Санаи 1-уми июни соли ҷорӣ дар Қасри фарҳанги шаҳри Норак чорабинии умумишаҳрӣ бахшида ба Рӯзи ҳифзи кӯдакон ботантана баргузор гардид.