Асосӣ

ТАВАҶҶУҲ ЗИЁД ВА ИМТИЁЗҲО БАРОИ ХАТМКУНАНДАГОНИ ЗИЁДТАР АСТ

: Нашр шуд: 13.03.2023 13:50

Маҷлисро муовини раиси шаҳри Норак Зуҳро Ҳакимзода кушода,гурӯҳи таблиғотии Донишгоҳи миллии Тоҷикистон Азиззода Убайдулло Абдулло-доктори илмҳои ҳуқуқшиносӣ, профессори Донишгоҳи миллии Тоҷикистон,Назаров Аваз Қувватович-доктори илмҳои ҳуқуқшиносӣ, профессори Донишгоҳи миллии Тоҷикистон ва Абдураҳимов Рустам Миралиевич- мудири кафедраи анатомияи одам,устоди Донишгоҳи миллии Тоҷикистонро ба ҳозирин муаррифи намуда,меҳмонанро хушомадед намуданд. Маҷлис бо хатмкунандагони муассисаҳои шаҳри Норак гузаронида шуд. Суҳбату вохӯриҳо атрофи муҳимтарин масъалаҳои иҷтимоию сиёсии наврасону ҷавонон ва дастгирии ин қишри ҷомеа сурат гирифт.

Иттилоъ дода шуд, ки дар вохӯриҳо ибтидо муҳтавои Паёми навбатии Президенти Ҷумҳурии Тоҷикистон муҳтарам Эмомалӣ Раҳмон “Дар бораи самтҳои асосии сиёсати дохилӣ ва хориҷии ҷумҳурӣ” дар самти илму маориф фаҳмонида шуд.

Ҳамзамон, масъалаҳои зерин миёни хатмкунандагон сурат гирифт:

Қабули донишҷӯён ба муассисаҳои таҳсилоти олии касбӣ, тавассути мутамарказонии имтиҳонҳои дохилшавӣ. Маркази миллии тестӣ ҳамчун василаи асосии баланд бардоштани сифати таҳсилот ва мониторинги он, арзёбии объективонаву одилонаи дониши довталабон ва паст кардани сатҳи коррупсия дар соҳаи маориф.

Муфассал: ТАВАҶҶУҲ ЗИЁД ВА ИМТИЁЗҲО БАРОИ ХАТМКУНАНДАГОНИ ЗИЁДТАР АСТ

НИЗОМИ ТАЪЛИМУ ТАРБИЯИ ХОНАНДАГОН ДАР МУАССИСАҲОИ ТАЪЛИМИИ ШАҲР

: Нашр шуд: 12.03.2023 14:06

10 - март дар толори шӯъбаи маорифи шаҳр ҷаласаи кори дар мавзӯъи " Низоми таълиму тарбияи хонандагон дар муассисаҳои таълимии шаҳр" бо иштирок муовини раиси шаҳр Зуҳро Ҳакимзода ,мудири шӯъбаи маориф ва директорони муассисаҳои таълимии шаҳр баргузор гардид.

Қайд намуданд,ки имрӯз вақти он расидааст,ки низоми таълиму тарбияи хонандагонро дар муассисаҳои таълими зери назорати ҷиди қарори диҳем. Зеро назорати доимии ноболиғону ҷавонон вазифаи ҷонии падару модар, масъулини муассисаҳои таълимӣ ва ҳар фарди солимфикри ҷомеа маҳсуб ёфта, пешрафту шукуфоӣ ва ояндаи ҷомеа аз ин насли бунёдгар вобастагии калон дорад. Вале, мутаассифона, ҷой доштани ҳолатҳои беҳудагардиву бадахлоқӣ ва бетартибии баъзе намояндагони ин насли умедбахш ҳангоми дарс, дар баробари бемасъулиятии волидон, ҳамзамон то ҷое аз бепарвоии омӯзгорони муассисаҳои таълимӣ низ гувоҳӣ медиҳад.

Муфассал: НИЗОМИ ТАЪЛИМУ ТАРБИЯИ ХОНАНДАГОН ДАР МУАССИСАҲОИ ТАЪЛИМИИ ШАҲР

Қабули меҳмонон

: Нашр шуд: 11.03.2023 14:13

Қабули меҳмонон ва Президенти Девони муҳосиботи Подшоҳии Арабистони Саудӣ доктор Абдулмуҳсин ал Анқарӣ, Раиси Палатаи ҳисоби Ҷумҳурии Тоҷикистон муҳтарам Чилазода Қарахон аз ҷониби раиси шаҳри Норак Асозода Дилшод Алимурод.

НАҚШИ МАТБУОТИ ТОҶИК ДАР ТАРҒИБИ ВАҲДАТИ МИЛЛӢ!

: Нашр шуд: 10.03.2023 14:22

Муҳтарам рӯзноманигорон ва кормандони соҳаи матбуот! Ҳама сола бо фарорасии зеботарини фасли сол баҳори хуҷастапай дар кишвари офтобрӯи мо як қатор ва силсила ҷашнҳо таҷлил мешаванд.Аз ҷумла 8 март-Иди Модарон, 11 март-Иди матбуот,ҷашни Навруз ва дигар ҷашнҳо бо як шукӯҳу шаҳомати хоса таҷлил мегардад.Имрӯз рузноманигорони мо ҳама сола иди касбии хешро дар ҳамин рузи 11 март ҷашн мегиранд, зеро 11 марти соли 1912 яьне 111 сол қабл аз ин нахустин шумораи тоҷикии “Бухорои Шариф” нашр гардида буд.Нахустин шумора ин нашрияи тоҷики баҳонае шуд то ҳама сола дар ҳамин руз иди матбуотро таҷлил менамоянд.

Рӯзномаи «Бухорои Шариф», ки аз рӯзҳои аввали таъсисёбӣ манфиатҳои миллӣ тоҷиконро ҳимоя мекард бад аз нашри 153 шумора аз ҷониби бадхоҳони миллат баста шуд. Аммо он ҳамчун марҳилаи пайдоиши нашрияи миллӣ ба идома ва рушди соҳаи матбуот заминаи боэътимод гузошт. Минбаъд дар оғози бунёди матбуоти миллӣ шахсиятҳои ватандӯсти миллат чун Садриддин Айнӣ, Абулқосим Лоҳутӣ ва Мирзо Турсунзода хизматҳои шоён кардаанд.

Муфассал: НАҚШИ МАТБУОТИ ТОҶИК ДАР ТАРҒИБИ ВАҲДАТИ МИЛЛӢ!