МАҚОМОТИ ИҶРОИЯИ ҲОКИМИЯТИ ДАВЛАТИИ
 ШАҲРИ НОРАК
 

 

 

 

 

Июл 2024
Норак

Мулоқот бо бонувони фаъоли шаҳри Норак судманду омӯзанда аст

Дар доираи сафари корӣ ба шаҳри Норак сармуҳаррири маҷаллаи «Бонувони Тоҷикистон» Шоҳона Одиназода бо бонувони фаъоли касбу кори гуногуни шаҳр, собиқадорони меҳнат, хосса бо бонувони заҳматкаши НБО «Норак», ки барои фурӯзонӣ ва пешрафти Ватани азиз саҳми арзанда доранд, мулоқот намуда, дар ин росто, суҳбати гарму судманде анҷом дод.
 
Зимни мулоқот Шоҳона Одиназода оид ба саҳми назарраси бонувони шаҳри Норак дар эҳё ва нигаҳдории анъанаҳои миллӣ, расму оинҳои ниёгон, саҳми беандозаи бонувони барқчии НБО «Норак» дар рушду пешрафти кишвар, риояи талаботи Қонуни Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон", Қонун дар бораи «Масъулияти падару модар дар таълиму тарбияи фарзанд», ободу зебо гардонидани манзилҳои зист, тозаю озода нигоҳ доштани кӯчаву хиёбонҳои шаҳр, дурӣ ҷустан аз фарҳанги бегона, бахусус ба бар кардани либосҳои миллӣ аз ҷониби занону духтарон ва тарғиби фарҳангу асолати миллӣ ибрози андеша намуд.
 

Паёми табрикотии раиси шаҳри Норак Асозода Дилшод Алимурод бахшида ба Рўзи касбии кормандони энергетикаи тоҷик

Муҳтарам кормандони соҳаи энергетика!
 
Соҳаи энергетикаи кишвар омили асосии устувории иқтисодиёти ҷумҳурӣ буда, дар ташаккул ва рушди дигар соҳаҳои иҷтимоию иқтисодии давлат нақши асосї дорад. Бинобар ин, соҳа мавриди таваҷҷӯҳи ҳамешагии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, имрӯз он дар ҳоли рушд қарор дорад.
 
Санаи 22 декабр дар ҷумҳурӣ ҳамчун Рӯзи кормандони соҳаи энергетикаи кишвар таҷлил мегардад.
 
Барои саҳми арзанда гузоштан, дар рушду нумӯи мамлакат, таъмини истиқлолияти энергетикии кишвар, ҳар яки шумо кормандони соҳаро бо иди касбиатон табрику муборакбод намуда, барори кору орзуҳои нек, тансиҳатию хонаободӣ ва сарфарозиро таманно дорам.
 

Муфассал: Паёми табрикотии раиси шаҳри Норак Асозода Дилшод Алимурод бахшида ба Рўзи касбии кормандони...

БОЗДИД АЗ ҲОЛАТИ ЗИМИСТОНГУЗАРОНИИ МУАССИСАҲОИ ТОМАКТАБИИ ШАҲР

Дар асоси дастуру супоришҳои раиси шаҳри Норак муҳтарам Асозода Дилшод Алимурод 19 декабри соли 2023 таҳти роҳбарии муовинони раиси шаҳр Ҳакимзода Зуҳро, Сармутахассиси шубаи рушди иҷтимоию ва робита бо ҷомеаи дастгоҳи раиси шаҳр-Мирзозода Зебо оид ба зимистонгузаронӣ ва раванди машғулиятҳо дар муасисаҳои томактабӣ аз муассисаҳои давлатии томактабии №3, 5, 6, 8, 9- шаҳр дидан намуданд.
 
Зимни боздид масъулин аз захираи маводи озуқа дар муассисаҳои таълимии томактабӣ низ дидан карданд. Ҳамчунин дар ин рӯз ҳолати нерӯи гармӣ дар гурӯҳҳои кӯдакистонҳо низ мавриди санҷиш қарор гирифта, ба роҳбарияти муассисаҳои таҳсилоти томактабӣ ҷиҳати бемушкилӣ сипарӣ намудани давраи зимистон дастурҳои зарурӣ дода шуд.

Муфассал: БОЗДИД АЗ ҲОЛАТИ ЗИМИСТОНГУЗАРОНИИ МУАССИСАҲОИ ТОМАКТАБИИ ШАҲР

Асосҳои ҳуқуқии муқовимат бо терроризм ва экстримизм

Раванди мубориза бар зидди терроризм ва экстремизм нишон медиҳад, ки имрӯз ҷилавгирӣ аз ин зуҳуроти номатлуб муттаҳидӣ ва ҳамоҳангии фаъолияти тамоми мақомоти давлатӣ ва қишрҳои гуногуни ҷомеаро тақозои дорад. Солҳои охир дар Аврупо, Шарқи Наздик, Африқо, Осиёи Миёна ва ИМА содир шудани садҳо ҷинояти дорои хусусияти террористӣ ва экстремистӣ аз хатари глобалӣ доштани ин зуҳурот шаҳодат медиҳад.
 
Мураккабшавии авзои сиёсии ҷаҳон дар меҳвари манфиатҳои геопалитикии баъзе кишварҳои боиси боз ҳам вусъат ёфтани фаъолияти ташктилотҳои байналмилалии экстримистӣ-террористӣ гардидааст. Боиси таассуф аст, ки баъзе давлатҳо бо терроризм ва экстримизм мубориза бурда, дар кишвар ва минтақаҳои дигар ба хотири манфиатҳои геополитикӣ зуҳуротро бевосита ё бо восита пуштибонӣ менамоянд, онҳоро ҳатто ҳамчунин ҳаракатҳои озодӣ ва ё ҷунбишҳои сиёсӣ эътироф ва ҳифз менамоянд. Зикр кардан зарур аст, ки дар Тоҷикистони соҳибистиқлол фаъолияти ташкилотҳои байналмилалии экстримистӣ-террористӣ аз рӯи ангезаҳои динӣ-сиёсӣ аз солҳои 90-и асри гузащта оғоз гардид. Таҷриба нишон медиҳад, ки афкори ифротии ин гуна ташкилотҳо барои мардуми тоҷик бегона буда, асосан аз хориҷи кишвар таҳмил мешаванд. Аз ҷумла, фаъолияти экстримистӣ-террористии Ҳизби наҳзати исломӣ ()фаъолияташ дар асоси Ҳалномаи Суди Олии Ҷумҳурии Тоҷикистон аз 29 сентябри соли 2015 манъ шудааст) собит сохт, ки солҳои 1993-2015 роҳбарон ва аъзои фаъоли он бо дастгирии хоҷагони хориҷӣ даҳҳо ҷинояти вазнин ва махсусан вазнинро содир карда, ҳадафи асосиашон ноором сохтани авзои сиёсӣ ва бо роҳи зӯроварӣ тағйир додани сохти конститутсионӣ ва ғасби ҳокимият буд.
 

Муфассал: Асосҳои ҳуқуқии муқовимат бо терроризм ва экстримизм

БАРГУЗОРИИ ШУРОҲОИ СОҲАИ МАОРИФ

Тибқи нақша чорабиниҳои мақомоти иҷроияи ҳокимияти давлатии шаҳри Норак дар толори хурди маҷлисгоҳи мақомоти иҷроияи ҳокимияти давлатии шаҳри Норак Шурои рушди маорифи назди мақомоти иҷроияи ҳокимияти давлатии шаҳри Норак ва Шурои вилоятии байниидоравӣ вобаста ба масъалаҳои “Саломатӣ ва ғизо дар давраи то соли 2027” » дар назди мақомоти иҷроияи ҳокимияти давлатии шаҳри Норак баргузор гардид.
Дар Шуро муовини раиси шаҳр-Ҳакимзода Зуҳро, мудири шубаи маорифи шаҳр-Ҳайдарзода Садбарг ва дигар аъзоён иштирок намуданд.
 
Дар рафти Шурои рушди маорифи назди мақомоти иҷроияи ҳокимияти давлатии шаҳри Норак ва Шӯрои вилоятии байниидоравӣ вобаста ба масъалаҳои “Саломатӣ ва ғизо дар давраи то соли 2027”» дар назди мақомоти иҷроияи ҳокимияти давлатии шаҳри Норак 2 масъала мавриди баррасӣ қарор гирифт.