Паёми табрикии раиси шаҳри Норак Асозода Дилшод Алимурод ба муносибати Рӯзи дониш, дарси сулҳ ва оғози соли нави таҳсили 2023-2024
- Нашр шуд: 31.08.2023 16:20
Хонандагону азиз, устодони арҷманд, падару модарон ва ҳамдиёрони гиромиқадр!Боиси сарфарозист, ки имсол Рӯзи дониш, дарси сулҳ бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Донишгоҳи давлатии тибии Хатлон таҷлил мегардад.
Дари дониш, хазинаи илму маърифат, дунёи дигари омӯзиши зебои ҳаёт, саҳифаи наву рангоранги зиндагӣ, табассуми ширину меҳрубонии падаронаи устодон ба рӯи беш аз 1800 нафар наврасони шаҳр, ки бори аввал пой ба остонаи мактаб мегузоранд, боз хоҳад гашт ва тавре медонем, ин дӯстрӯякон ва волидайни онҳо бесаброна оғози соли нави таҳсилро интизоранд.
Дар доираи чорабиниҳо бахшида ба 35-солагии Истиқлолияти давлатии Ҷумҳурии Тоҷикистон тибқи нақша сохтмони 180 иншоотҳои таъиноташон гуногун аз ҷумла 8 адад биноҳои маъмурӣ, 8 адад таълимӣ, 6 адад табобатӣ, 5 адад варзишӣ, 2 адад фарҳангӣ, 20 адад саноатӣ, ва 131 адад хизматрасонӣ, маишӣ, кишоварзӣ, фароғатию савдо дар шаҳри Норак ба нақша гирифта шудааст. Ба 30 августи соли 2023 47 иншоотҳо ба маблағи умумии 8 мл 783,3 ҳазор сомонӣ ба истифода дода шудааст, ки 26,1 фоиз нақшаи умумиро ташкил медиҳад. Айни ҳол корҳои сохтмонӣ дар 90 иншоот аз 0 то 50 фоиз ва дар 37 иншоот аз 50 то 70 фоиз иҷро карда шудааст.
“Мо дар оғози соли таҳсил ҳамчун анъана рӯзи донишро бо дарси сулҳ оғоз мекунем, зеро ин ду мафҳум, яъне дониш ва сулҳ мафҳумҳое мебошанд, ки бо ҳамдигар пайванди ногусастанӣ доранд”.
Вақте ки дар сари дастурхон менишастем, бобоям баъди дуои дастархон бо таъкиди махсус бо ашки чашм иброз медоштанд, ки “Азизонам ба қадри ин Ватан ба қадри ин сарзамин, ба қадри Истиқлолияти давлатӣ, ба қадри нону намаки ҳололи Тоҷикистони азиз ва ба қадри меҳнату заҳматҳои шабонарўзии Сарвари давлат бирасед”.