 |
МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ НОРАК |
Рӯзи 9 августи соли равон таҳти роҳбарии раиси шаҳри Норак ҷаласаи васеи ҳафтаина бо роҳбарони корхонаю муассисаҳои шаҳр баргузор гардид, ки дар он рафти иҷрои супоришҳои протоколи машвартаҳои назди раиси шаҳр мавриди баррасӣ қарор дода шуд.
Тибқи Қонуни Ҷумҳурии Тоҷикистон "Дар бораи муроҷиати шахсони воқеӣ ва ҳуқуқӣ" ҳафтае ду маротиба аз ҷониби раиси шаҳр қабули шаҳрвандон бо масъалаҳои шахсӣ гузаронида мешавад.
Рӯзи 7 август аз тарафи раиси шаҳр 8 нафар шаҳрвандон оид ба масъалаҳои шахсӣ қабул карда шуда, дархостҳои онҳо баррасӣ ва ба шахсони масъул барои иҷро ирсол карда шуд.
Дар асоси дастуру супоришҳои раиси шаҳри Норак муҳтарам Асозода Дилшод Алимурод имрӯзҳо соҳибкорони ватандӯсти шаҳр дар назди дукону мағозаҳои худ ва роҳраву гулгаштҳо гулҳои мавсимӣ шинонда истодаанд, ки ин ба симои шаҳр ҳусни дигар мебахшад.
Сокинони шарафманд, бонангу номус ва сарбаланди шаҳри Норак!
Мо имрӯз хушбахт аз онем, ки таҳти сиёсати дурандешонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар фазои сулҳу оромӣ ва суботи сиёсӣ кору зиндагӣ дорем.
Мавриди зикр аст, ки миллати тоҷик аз ҷумла мо, сокинони шаҳри бостонии Норак масъулияти бузурги ватандориро ба дӯш гирифта, ба марҳилаи нави давлатсозиву миллатсозӣ ворид гардидем. Тавре Пешвои муаззами миллат муҳтарам Эмомалӣ Раҳмон таъкид доштаанд, ватансозӣ ин масъулияте нест, ки ба ҷуз худи мо каси дигар онро ба дӯш гирад ва ё ин қарзи фарзандиро ба дигарон бовар кунем. Зеро касе ба ҷои мо хонаи моро, кӯчаи моро, шаҳри моро ва дар маҷмӯъ, Ватани моро обод намекунад. Танҳо фарзандони бонанги ҳамин сарзамин қодиранд чунин вазифаи бузургу пурифтихорро ба дӯш гиранд. Танҳо мову шумо ҳастем, ки дар канори гарми ин сарзамин ба дунё омада, ба хоку обу ҳавои он меҳр бастаем. Танҳо мову шумо ҳастем, ки мисли фарзанд дар баробари Модар-Ватани худ масъулият ва қарзи имониву виҷдонӣ эҳсос мекунем.
Муфассал: ШАҲРИ МО-ЧЕҲРАИ МО! Муроҷиатномаи раиси шаҳри Норак Асозода Дилшод Алимурод ба сокинон
Тибқи дастуру супоришҳои ситоди ҷумҳуриявӣ оид ба пешгирии паҳншавии бемории сироятии Covid-19 имрӯз дар толори маҷлисгоҳи мақомоти иҷроияи ҳокимияти давлатии шаҳр ҷаласаи васеи назди раиси шаҳр баргузор гардид.
Дар рафти ҷаласа сардухтури беморхонаи марказии шаҳр Файзализода Сайвалӣ оид ба рафти имунизатсия ва эмгузаронӣ дар шаҳр суханронӣ намуда, қайд карданд, ки корҳои фаҳмондадиҳиро дар байни аҳолӣ ба роҳ монда, корҳои безараргардониро ҷоннок хоҳанд кард.
