Ҷаласаи корӣ
- Нашр шуд: 24.02.2021 09:13
Дар толори хурди мақомоти иҷроияи ҳокимияти давлатии шаҳр ҷаласаи корӣ бо иштироки кормандони кумитаи замин ,КДФ "Бақайдгирии молу мулки ғайриманқул", шуъбаи ҳифзи муҳити зист, ҷамоатҳои деҳот баргузор гардид.
Раиси шаҳр Асозода Дилшод Алимурод аз рафти иҷрои чорабиниҳо бахшида ба 30-солагии Истиқлолияти давлатии Ҷумҳурии Тоҷикистон изҳори қаноатмандӣ намуда, шахсони масъулро вазифадор намуд, ки баҳри сазовор пешвоз гирифтани ҷашни миллӣ аз тамоми имкониятҳои мавҷуди самаранок истифода намуда, ба кабудизоркунии шаҳру деҳот, корхонаю муассисаҳо ва оқилонаю самаранок истифодабарии ҳар як қитъаи замин диққати ҳамаҷониба диҳанд.
Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақомоти иҷроияи ҳокимияти давлатии шаҳри Норак дар шафати шоҳроҳи Душанбе-Кулоб мавзеи"Палангдара" дар масофаи 1,5 километр заминҳои бекорхобида зиёда аз 3000 бех ниҳолҳои арғувон ва сафедор шинонида, маъракаи ниҳолшинонӣ бомаром идома дорад.
Дар толори Қасри фарҳанги шаҳр бахшида ба 28-умин солгарди Қувваҳои мусаллаҳи Ҷумҳурии Тоҷикистон бо иштироки роҳбарони мақомоти ҳифзи ҳуқуқ, фаъолони шаҳру деҳот ва афсарону сарбозони қисмҳои низомии дар шаҳр фаъолиятдошта чорабинии сиёсӣ-фарҳангӣ баргузор гардид.
Бахшида ба 28-солагии Артиши миллии Ҷумҳурии Тоҷикистон муовини раиси шаҳр Ҳасанзода Шаҳло ва комиссари Комиссариати Мардонзода Акобир ҳарбии шаҳри Норак ба ротаи 2-юми баталёни 2-юми қисми ҳарбии N°6593 ташриф оварда аз шароитҳои қисми ҳарби дидан намуданд.
Имрӯз бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон раиси шаҳри Норак Асозода Дилшод Алимурод ва раиси КИ ҲХДТ дар шаҳри Норак Гулмуродзода Қумринисо бахшида ба 23 феврал-Рӯзи Артиши миллӣ ба аёдати оилаҳои хизматчиёни ҳарбие, ки дар вақти адо намудани вазифа ҳалок гардидаанд рафта ба вазъи зиндагии онҳо шинос гардида , кӯмакҳои моддӣ расониданд.