Оила рукни ибтидоиву асосии давлат

Нашр шуд: 14.05.2021 12:57

Имрӯз, 14 майи соли 2021 дар толори Қасри фарҳанги шаҳр чорабинии тантанавӣ бахшида ба ҷашни "Рӯзи оила" баргузор гардид, ки дар он раиси шаҳри Норак Асозода Дилшод Алимурод иштирок намуда, аз ҷумла қайд намуданд, ки чӣ тавре ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд, «Оила дар ҳама давру замон муқаддас ва рукни ибтидоиву асосии давлат ҳисобида шуда, барпо намудани оилаҳои комилу мустаҳкам вазифаи аҳли ҷомеа ва волидайн мебошад».

Вобаста ба ин дар назди ҳар як оила вазифаи хеле муҳим ва рисолати бузург меистад, ки ин пеш аз ҳама, тарбия намудан ва ба камол расонидани фарзандони нобиғаву хирадманд, солиму тандуруст ватандӯсту ватанпараст, бонангу номус, далеру шуҷоъ, озодихоҳу адолатпарвар ва хирадманду созанда меистад.

Муфассал: Оила рукни ибтидоиву асосии давлат

Бани одам аъзои якдигаранд

Нашр шуд: 14.05.2021 12:52

Ҳодисаҳои нохуше, ки рӯзҳои охир дар якқатор шаҳру ноҳияҳои вилояти Хатлон рух дод, мардуми меҳнатдӯсти шаҳри Норакро ба ташвиш оварда, сахт андуҳгин сохт.

Мақомоти иҷроияи ҳокимияти давлатии шаҳр, соҳибкорон ва шахсони саховатпеша бо мақсади дастгирии сокинони аз рафти офатҳои табии зарардидаи шаҳри Кулоб 1.2 тонна маводи ғизоӣ, аз қабили орд, равған, картошкаю пиёз, макарону шакар ва рахти хоб фиристоданд.

Муфассал: Бани одам аъзои якдигаранд

Консерти ҳисоботии солонаи мактаби санъати бачагонаи шаҳри Норак

Нашр шуд: 14.05.2021 12:47

Рӯзи 12 майи соли 2021 дар толори Қасри фарҳанги шаҳри Норак консерти ҳисоботии дастпарварони мактаби санъати бачагонаи шаҳри Норак баргузор гардид.

Дар мактаби санъати бачагона 222 нафар хонанда таҳсил намуда, аз ин шумора 112 нафар писарон ва 110 нафар духтарон ташкил дода, дар шуъбаҳои санъати тасвирӣ 73 нафар, шуъбаи фортепиано 32 нафар, шуъбаи созҳои оркестрӣ (скрипка) 25 нафар, шуъбаи созҳои миллӣ 62 нафар дар синфҳои рақснигорӣ 17 нафар, баян-аккордеон 4 нафар ва 9 нафар дар синфи овозхонӣ таҳсил мекунанд.

Муфассал: Консерти ҳисоботии солонаи мактаби санъати бачагонаи шаҳри Норак

Паёми табрикии раиси шаҳри Норак Асозода Дилшод Алимурод ба муносибати иди саиди Фитр - 2021

Нашр шуд: 12.05.2021 09:28

Ҳамдиёрони гиромӣ !

Ҳамаи шумо, ҳамдиёрони азизро, ба муносибати фарорасии иди саиди Фитр самимона табрик мегӯям ва ба хонадони ҳар кадоматон оромиву осоиш, тандурустию хушбахтӣ, файзу баракат ва рӯзгори ободро орзу менамоям.

Бояд ҳар як мусулмон ҳурмати ин моҳи муборакро ба ҷо орад. Аз ҳама бадиҳою гуноҳҳо худдорӣ кунад ва дигаронро низ ба роҳи ростӣ ва накӯкорӣ ҳидоят намояд. Анъана ва суннати неки дигаре, ки дар моҳи Рамазон анҷом дода мешавад, ба ниёзмандон хайру саховат кардан мебошад.

Дар моҳи Рамазон садақаи ҷория савоби беандоза дорад. Таъмир ва азнавсозӣ намудани роҳҳо, кӯпрукҳо, бунгоҳҳои тиббӣ, мактабу синфхонаҳо аз ҷумлаи садақаи ҷория мебошанд, ки анҷомдиҳандаи он ҳам дар ин дунё ва ҳам дар охират аз ин амалҳои нек савоб мегирад.

Муфассал: Паёми табрикии раиси шаҳри Норак Асозода Дилшод Алимурод ба муносибати иди саиди Фитр - 2021