Паёми табрикии раиси шаҳри Норак Асозода Дилшод Алимурод ба муносибати Иди Ғалаба рӯзи 9 майи соли 2021
- Нашр шуд: 07.05.2021 05:40
Ҳамдиёрони азиз! Собиқадорони гиромӣ!
Баҳори 76-ум аст, ки мо рӯзи 9 май Иди Ғалабаро таҷлил менамоем. Иди Ғалаба як саҳифаи пурифтихори таърихи миллати мост, ки дар он корномаҳои ибратомӯз ва қаҳрамонию мардонагии падарону бобоёни мо дар майдонҳои ҳарбу зарб бо хати зарин сабт шудааст. Бешубҳа, Ҷанги Бузурги Ватанӣ дар дили ҳар як хонадони мардуми собиқ Иттиҳоди Шӯравӣ, аз ҷумла тоҷикон, ҷароҳате гузошта, корнамоиҳои диловарони Ватан барои насли наврас ҳамчун рамзи ватандӯстӣ ҷовидон боқӣ мемонад.
Ба ин муносибат ҳамаи Шумо, махсусан заҳматкашони ақибгоҳро самимона табрик гуфта, бароятон пеш аз ҳама сиҳатмандиву хушрӯзӣ ва осмони соф орзу менамоям.
Дар моҳи шарифи Рамазон бо иқдоми хайрхоҳона ва амали хайру савоб аз ҷониби соҳибкорони маҳаллӣ, шахсони саховатпеша ба 500 оилаҳои камбизоат, ятимону маъюбон ва ниёзмандони шаҳр дасти хайру саховат дароз намуда, маводи хӯрока, аз қабили орд, равған, шакар, биринҷ дастрас намуданд.
Рӯзи 5 майи соли равон намояндаи Дастгоҳи иҷроияи Президенти Ҷумҳурии Тоҷикистон Вализода Одинашоҳ, намояндаи мақомоти иҷроияи ҳокимияти давлатии вилояти Хатлон ва раиси шаҳри Норак Асозода Дилшод Алимурод ба манзили иштирокчии Ҷанги Бузурги Ватанӣ Гулов Малах ташриф оварда, эшонро бо фарорасии 76-умин солгарди Рӯзи Ғалаба табрику тахният гуфтанд ва барояш сиҳатмандии комил, сарбаландӣ, саодати рўзгор, хонаи обод, хотири ҷамъу осуда таманно намуданд.
Имрӯз дар толори маҷлисгоҳи мақомоти иҷроияи ҳокимияти давлатии шаҳр бо иштироки кормандони Ташкилоти ҷамъиятии "Лигаи занони ҳуқуқшиноси Ҷумҳурии Тоҷикистон" бо занону ҷавондухтарони корхонаю ташкилотҳои шаҳр оид ба баланд бардоштани ҳифзи иҷтимоии кормандони тиб ва беморон дар соҳаи ҳифзи саломатӣ ва ҳуқуқҳои мизоҷон ва духтурон вохӯрӣ баргузор гардид.
Дар толори Қасри фарҳанги шаҳр ҷаласаи ҷамъбастӣ оид ба ҷорисозии омӯзиши малакаҳои нави касбӣ ва таълимӣ баргузор гардид.