Илм-фурӯғи маърифат
- Нашр шуд: 03.05.2021 04:14
Имрӯз, 28-уми апрели соли ҷорӣ дар муассисаи давлатии "Маркази дарёфт ва рушди истеъдодҳо"- и шуъбаи маорифи шаҳри Норак даври дуюми (шаҳрӣ) Озмуни ҷумҳуриявии "Илм -фурӯғи маърифат", баргузор гардид.
Даври якуми Озмун (муассисавӣ) аз 20 то 24-уми апрели соли 2021 дар байни хонандагон ва омӯзгорони муассисаҳои таълимии шаҳр бо иштироки 1864 нафар хонанда ва 258 нафар омӯзгор гузаронида шуда, даври дуюми (шаҳрӣ) Озмун аз рӯйи 7 номинатсия : "Математика" (арифметика, алгебра, геометрия), "Физика ва астрономия", "Химия", "Биология" (ботаника, зоология, анатомия), "География", "Технологияи иттилоотӣ" ва "Ихтироъкорӣ ва навоварӣ" дар умум бо иштироки 196 нафар хонанда ва 28 нафар омӯзгор ҷамъбаст гардида, аз рӯйи 7 номинатсия ҷамъ 21 нафар хонанда ва 18 нафар омӯзгор сазовори ҷойҳои 1,2,3 ва соҳиби роҳхат ба даври сеюми (вилоятӣ) Озмун гардиданд.
Имрӯз, гурӯҳи корӣ аз Суди Олии Ҷумҳурии Тоҷикистон ба шаҳри Норак ташриф оварда, аз рафти иҷрои корҳои сохтмонии иншоотҳои таъиноташон гуногун дидан намуданд.