 |
МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ НОРАК |
Дар иҷлосияи панҷуми Маҷлиси вакилони халқи вилояти Хатлон даъвати шашум ваколатҳои вакили Маҷлиси вакилони халқи вилояти Хатлон аз ҳавзаи №10 Асозода Дилшод Алимурод-раиси шаҳри Норак аз ҷониби вакилон якдилона тасдиқ карда шуд.
Асозода Дилшод Алимурод дар назди вакилон ботантана савганди вакилӣ ёд намуд.
Дар шаҳри Норак дар доираи аксияи ҳизбӣ таҳти унвони "якҷоя месозем" бахшида ба истиқболи ҷашни 30-солагии Истиқлолияти давлатӣ корҳои созандагию ободонӣ рӯз аз рӯз вусъат ёфта, коргарони Нерӯгоҳи барқи обии Норак ва хадамоти ҳарбикунонидашудаи наҷотдиҳии кӯҳӣ дар шаҳри Норак дар анҷом додани корҳои соҳилмустаҳкамкунӣ дар шафати кули "Комсомол" дарозии 300 метр девори сангин фаъолона ширкат варзиданд.
Раиси шаҳр Асозода Дилшод Алимурод ба роҳбарияти иштирокчиёни кори хайр изҳори миннатдорӣ намуд.
Имрӯз, 5 апрели соли 2021 дар ҷаласаи васеи назди раиси шаҳр ҳисоботи раиси Ҷамоати деҳоти Дӯконӣ дар бораи равшаннамоӣ ва чароғонкунии кӯчаю маҳаллаҳои ҷамоат мавриди баррасӣ, қарор дода шуд.
Қайд карда шуд, ки бо дастгирии соҳибкорони маҳаллӣ, шахсони саховатпеша хатти нави барқ дар деҳоти Сари Камар, Олиҷгон, Мавлак, ба масофаи 1 км таъмин карда шуда, 3 адад истгоҳи барқтаъминкунӣ насб карда шуд.Бо мақсади таъмини бехатарию истифодаи бемаҳдуди қувваи барқ дар деҳоти Чашма, Чал-Чал, Дӯконӣ-2, Чортут, Навде, Калта Чанор ҷамъ 199 адад пояҳо ва 4500 метр хатҳои барқгузар иваз карда шуданд. Дар мавзеъҳои Чашма, Туғмазор, Дӯконӣ-2, Навде, Кишнова, Хучалонӣ 100 адад симчӯбҳои бо таҷҳизотҳои шабона равшанидиҳанда насб карда шудааст. Ба андозаи 430 метр мағоза, нуқтаҳои савдо бо равшаннокии шабона таъмин гардида, дар ин самт корҳои чароғонкунӣ идома дорад.
Дар ҷаласаи васеи назди раиси шаҳр Асозода Дилшод Алимурод-раиси шаҳри Норак Зубайдзода Файзулло Зубайдро, ки ба вазифаи мудири бахши сармоягузорӣ ва идораи амволи давлатии мақомоти иҷроияи ҳокимияти давлатии шаҳри Норак таъин гардидааст, ба ҳозирон муррифӣ намуданд.
Рӯзҳои 3 ва 4 апрели соли ҷорӣ дар мактаби байналмилалии Президентии шаҳри Душанбе даври ниҳоии олимпиадаи хонандагон аз фанҳои забон ва адабиёти тоҷик, забони англисӣ ва ҳуқуқ баргузор гардид.
Дар олимпиада шарафи шаҳри Норакро нуҳ нафар хонандагон ҳимоя намуда, хонандаи синфи 11-и гимназияи давлатии №1 Абибзода Шодмони Шодиҷон аз фанни забони англисӣ ва хонандаи синфи 11-и муассисаи таҳсилоти миёнаи умумии №9 Ашурова Мавзуна Ҷалолидиновна аз фанни забон ва адабиёти тоҷик сазовори ҷойҳои сеюм гашта, бо медалҳои биринҷӣ ва ифтихорномаҳои Вазорати маориф ва илми Ҷумҳурии Тоҷикистон сарфароз гардонида шуданд.
