 |
МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ НОРАК |
Назар ва даъвати «шаҳрванди огоҳ»
дар масъалаи баҳсҳои марзӣ бо Қирқизистон
Гиреҳи баҳси марзии Тоҷикистон ва Қирқизистон дар куҷост? Даври нави музокирот чӣ тафовут дорад? Рисолати ҷомеа дар баробари ин мавзӯъ чист? Чаро бояд аз ҳайати давлатӣ ҳимоят намоем? Дурнамои масъала чӣ гуна аст? Чаро ба ин мавзӯъ рӯй овардам? Нигоҳ ва муроҷиати шаҳрвандии банда дар масъалаи марзҳо бо муруре ба ин пурсишҳои муҳим.
Имрӯз 22 март ба муносибати Наврӯзи байналмилалӣ дар майдони марказии шаҳр чорабинии тантанавӣ доир шуд.
Дар чорабинӣ раиси шаҳр Асозода Дилшод Алимурод, раиси иттифоқҳои касабаи ҷумҳурӣ Неъматзода Маликшо Маҳмадшо, муовини раиси Суди Олии Ҷумҳурии Тоҷикистон Раҳмонзода Сайдалӣ Сабзалӣ ва намояндаи мақомоти иҷроияи ҳокимияти давлатии вилояти Хатлон Мирзозода Рустам Пираҳмад-раиси Суди вилояти Хатлон иштирок намуданд.
Раиси шаҳр Асозода Дилшод Алимурод қайд намуд ки ҷашни фархундаи Наврӯз дар миёни анъанаву оинҳои халқи тамаддунпарвари тоҷик ҷойгоҳи ифтихориву хосаро доро буда, он чун рӯзи пирӯзии равшанӣ бар торикӣ, фарҷоми сармову расидани гармо, нишоту шодмонӣ, паёмовари шукуфоӣ, бедории табиат, раҳоӣ аз ҳама мушкилот, шустани кинаҳо аз дилҳост. Наврӯз ҳазорсолаҳост, ки бо ҳусну тароват, шукӯҳу шаҳомат ва неруву азамати хеш ҳамагонро шоду мамнун мекунад.
Тибқи нақшаи Вазорати Мудофиаи Ҷумҳурии Тоҷикистон чорабинии таҳти унвони "Хизмат ба Ватан шараф аст" дар майдони марказии шаҳр баргузор гардид.
Дар чорабини Муовини раиси шаҳри Норак Ҳасанзода Шаҳло Ҳасан ва комиссари комиссариати ҳарбии шаҳри Норак Мардонзода Акобир ва дигар кормандони комиссариати ҳарбии шаҳр ширкат варзиданд.
Тибқи Қонуни Ҷумҳурии Тоҷикистон "Дар бораи муроҷиати шахсони воқеӣ ва ҳуқуқӣ" ҳафтае ду маротиба аз ҷониби раиси шаҳр қабули шаҳрвандон бо масъалаҳои шахсӣ гузаронида мешавад.
Имрӯз аз тарафи раиси шаҳр 7 нафар шаҳрвандон оид ба масъалаҳои шахсӣ қабул карда шуда, дархостҳои онҳо баррасӣ ва ба шахсони масъул барои иҷро ирсол карда шуд.
Раиси шаҳр Асозода Дилшод Алимурод ба рафти корҳои сохтмонӣ ва азнавсозии хоҷагии нақлиётии МД "ШМКХ"-и шаҳр шинос гардид.
Боиси тазаккур аст, ки тибқи лоиҳаи"Идоракунии партовҳои сахти маишии шаҳри Норак"то алҳол 18 адад мошину механизмҳо ва 497 контейнерҳои гуногунҳаҷм ба муассисаи МД"ШМКХ" ворид карда шуда, сохтмони 75 нуқтаҳои партовҷамъкунӣ ба охир расонида шудааст. Ҳамчунин сохтмони партовгоҳи марказии шаҳр воқеъ дар шафати деҳаи Хоҷаабдолон ба истифода дода шуд.
