 |
МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ НОРАК |
Ғамхорӣ ба маъюбон ва шахсони эҳтиёҷманд дар мадди назари ҳамешагии роҳбарияти шаҳри Норак қарор дошта, рӯзи 17 декабри соли 2020 бо иқдоми шахси саховатпеша ба 77 нафар маъюбони сокини Ҷамоати деҳоти Пули Сангин кӯмаки моддӣ, аз қабили орд, равған, шакар, чой дастрас карда шуд.
Чунин иқдомҳои хайрхоҳона аз ҷониби шахсони саховатпеша, накукору хайрхоҳ дар шаҳри Норак зиёд шуда истодааст.
Рӯзи 17 декабри соли 2020 дар толори маҷлисгоҳи мақомоти иҷроияи ҳокимияти давлатии шаҳр ҷаласаи корӣ баргузор гардида , таъмини иҷрои дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи Ҳукумати Ҷумҳурии Тоҷикистон аз 15 декабри соли 2020 ва муроҷиатномаи Ҳукумати Ҷумҳурии Тоҷикистон аз 30 июни соли 2020 оид ба истифодаи оқилонаву сарфакорона ва мақсаднок истифодабарии нерӯи барқ дар ҳар як оила, ташкилоту муассисаҳо мавриди баррасӣ қарор гирифт.
Ҳамдиёрони гиромӣ !
Шаҳри Норак, шаҳре, ки як замон шуҳратёри ҷаҳону як шиносномаи Тоҷикистон буд, 60 сола шуд.
Бинобар ин тамоми сокинони шаҳри овозадори Норакро ба муносибати 60- солагии таъсисёбии шаҳри Норак самимона табрику таҳният намуда, ба ҳамагон тансиҳатӣ, хонаободию сарбаландӣ ва дар иҷрои вазифаҳо муваффақиятҳои беназир орзу менамоям.
Норак-шаҳри энергетикҳои тоҷик дорои таърихи тӯлонист. Дар китоби ҷовидонаи «Тоҷикон»-и Қаҳрамони Тоҷикистон, академик Бобоҷон Ғафуров ишора меравад, ки 9-7 ҳазор сол муқаддам, яъне замони асри санг дар ин ҷо одамон умр ба сар мебурдаанд. Теъдоди калони бозёфтҳои ҳафриётӣ, ки муаррихон аз ҳафриёти Норак пайдо кардаанд, мавриди омӯзиш ва хулосаҳои мутахассисонанд.
Санаи 9 декабри соли 2020 дар Қасри фарҳанги шаҳри Норак бахшида ба 26 - солагии таъсисёбии Ҳизби Халқии Демократии Тоҷикистон маҷлиси тантанавӣ баргузор гардид. Раиси шаҳри Норак Асозода Дилшод Алимурод дар ин чорабинӣ иштирок ва суханронӣ намуданд. Зимни суханронӣ нақши ҲХДТ-ро дар рушду тараққиёти иҷтимоиву иқтисодии мамлакат, ободонии диёру зиндагии шоистаи мардум изҳор намуданд. Аз ҷумла қайд карданд, ки бо ҳидояти Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ҳизби Халқии Демократии Тоҷикистон чун рамзи озодӣ, демократӣ таъсис ёфта буд, марҳалаи сарнавиштсози таърихиро сарбаландона тай намуда, имрӯз ба як ҳизби созанда ва муттаҳидсози ҷомеаи кишвар табдил ва ҳамчун ниҳоди пешбари ҷомеаи шаҳрвандӣ шинохта шудааст.
Муфассал: Таҷлили рӯзи таъсисёбии ҳизби тақдирсоз дар шаҳри Норак
Корҳои таҷдиду азнавсозии кӯли «Комсомол» шурӯъ гардида ба нақша гирифта шудааст, ки саршавии мавсими истироҳат ба пуррагӣ таъмиру азнавсозӣ гардида, ҳамчун ҷои ҷамъиятӣ барои шаҳрвандону меҳмонони шаҳри нурофарон мавриди баҳрабардорӣ қарор дода мешавад.
