Санаи 15 ноябри соли ҷорӣ дар Қасри фарҳанги шаҳри Норак чорабинии тантанавӣ бахшида ба Рӯзи Президенти Ҷумҳурии Тоҷикистон бо шукӯҳу шаҳомати хоса баргузор гардид. Дар чорабинии мазкур раиси шаҳри Норак муҳтарам Асозода Дилшод Алимурод, роҳбарони мақомотҳои ҳифзи ҳуқуқ, роҳбарон ва кормандони корхонаю муассисаҳои шаҳр иштирок доштанд.

 

Дар қисми тантанавии чорабинӣ раиси шаҳри Норак Асозода Дилшод Алимурод баромад намуда, тамоми сокинони шаҳрро бо Рӯзи Президенти Ҷумҳурии Тоҷикистон табрику муборакбод намуданд.

 

Мавсуф қайд намуд, ки таърихи кӯҳандиёри тоҷикон саршор аз воқеаҳои бузурги сиёсӣ ва иҷтимоӣ аст, ки дар сарнавишти халқи мо нақши тақдирсоз бозидаанд.

 

Санаи 14 ноябри соли ҷорӣ дар толори маҷлисгоҳи муассисаи таҳсилоти миёнаи умумии рақами 9-и шаҳри Норак чорабинии тантанавӣ бахшида ба Рӯзи Президенти Ҷумҳурии Тоҷикистон бо шукӯҳу шаҳомати хоса баргузор гардид. Дар чорабинии мазкур муовини раиси шаҳри Норак Ҳакимзода Зуҳро Маҳмадсаид, Раиси Кумитаи иҷроияи ҲХДТ дар шаҳри Норак Ҳасанзода Шаҳло, мудири шубаи маориф Ҳайдарзода Садбарг, мудири бахши кор бо ҷавонон ва варзиши шаҳр Зайниддинов Азамат, мудири бахши кор бо занон ва оилаи назди мақомоти иҷроияи шаҳр Шулашова Ҳабиба, кормандони шубаи маориф ва роҳбарони муассисаҳои таълимии шаҳр иштирок доштанд.

 

Муфассал: ЭМОМAЛӢ РAҲМОН - МЕЪМОРИ ВAҲДAТИ МИЛЛӢ

Таърихи кӯҳандиёри тоҷикон саршор аз воқеаҳои бузурги сиёсӣ ва иҷтимоӣ аст, ки дар сарнавишти халқи мо нақши тақдирсоз бозидаанд.

 

Ҳамасола дар ҷумҳурии азизамон ҳамоишҳову ҷашнвораҳо дар робита ба эҳёи бузургони гузаштаи халқамон ва пос доштани арзишҳои миллиамон таҷлил карда мешаванд, ки ин нишонаи олии арҷгузорӣ ба гузашта, имрӯза ва ояндаи фарзонафарзандони миллати шарафманди тоҷик дар тули асрҳо мебошад.

 

Маҳз ҳамаи ин меҳнатҳои шабонарӯзии Президентамонро арзёби намуда, аз тарафи Маҷлиси Олии Ҷумҳурии Тоҷикистон, санаи 15 апрели соли 2016 ба Қонуни Ҷумҳурии Тоҷикистон «Дар бораи Рӯзҳои Ид» тағйирот ворид карда шуд, ки тибқи он 16 ноябр дар мамлакат ҳамчун «Рӯзи Президенти Ҷумҳурии Тоҷикистон» таҷлил мегардад. Ин санаи муборак ба 16 ноябри соли 1994 ҳамчун рузи нахустин савгандёдкунии Президенти Ҷумҳурии Тоҷикистон муҳтарам Эмомалӣ Раҳмон пайванди мустақим дошт.