Вохуриҳо дар кӯчаву деҳаҳои шаҳр бо аҳолӣ
- Нашр шуд: 07.12.2019 04:36
Бо мақсади иҷрои қонунгузории Ҷумҳурии Тоҷикистон, баланд бардоштани рӯҳияи худогоҳию хештаншиносӣ, пешгирии шомилшавии ҷавонон ба ҳизбу ҳаракатҳои ифротгаро, даст задани ҷавонон, духтарону занон ба ҷинояту ҷинояткорӣ, сӯйиқасд ба ҷон, пош хӯрдани оилаҳои ҷавон, инчунин пешгирии паҳншавии бемориҳои сироятӣ, аз қабили вируси норасоии масунияти одам аз ҷониби кормандони шуъбаву бахшҳои рушди иҷтимоӣ ва робита бо ҷомеа, маориф, кор бо занон ва оила, сабти асноди ҳолати шаҳрвандӣ, кор бо ҷавонон ва варзиш, котиби Комиссия оид ба ҳуқуқи кӯдак, марказҳои пешгирии бемории ВНМО, ташаккули тарзи ҳаёти солим дар кӯчаву деҳаҳои шаҳр бо аҳолӣ, бахусус занону ҷавонони хонашин корҳои фаҳмондадиҳӣ роҳандозӣ гардида истодааст.
Санаи 3 декабри соли 2019 дар шаҳри Норак Рўзи байналмилалии маъюбон ҷашн гирифта шуд. Дар чорабинии мазкур иҷрокунандаи вазифаи раиси шаҳри Норак муҳтарам Қурбонзода Ҳилолбӣ Ҷумъахон иштирок ва суханронӣ намуда, ҳозирин ва кормандону тарбиятгирандагони марказро ба Рўзи байналмиллалии маъюбон табрику муборакбод намуданд. 
24 ноябр дар шаҳри Нурофарон-Норак Рӯзи Парчами давлатӣ ҳамчун рамзи иттиҳоду сарҷамъӣ, давлатдории миллӣ, ки боиси ифтихору сарбаландии хурду бузурги мамлакат аст, таҷлил гардид. Дар ин рӯзи муқаддас сокинони шаҳри Норак, кормандони ташкилоту муассисаҳо, муассилини муассисаҳои таълимӣ дар даст Парчами миллӣ, бо ифтихор аз давлату давлатдорӣ, соҳибистиқлолӣ, ки ифодагари иттиҳоду сарҷамъӣ, нангу номус, ватандӯстиву ватанпарастӣ ва ҳуввияти миллӣ мебошад, роҳпаймоӣ намуданд.
Дар доираи баргузории Рузи Парчами Ҷумҳурии Тоҷикистон дар шаҳри Норак як қатор иншоотҳои муҳими иҷтимоӣ мавриди баҳрабардорӣ қарор гирифтанд.