Пазироии хатмкунандагони Академия
- Нашр шуд: 16.01.2021 08:51
Имрӯз вохӯрии раиси шаҳри Норак Асозода Дилшод Алимурод бо хатмкунандагони зинаи таҳсилоти яксолаи магистратураи Академияи идоракунии давлатии назди Президенти Ҷумҳурии Тоҷикистон баргузор гардид.
Раиси шаҳр ҷавондухтаронро барои бо муваффақият хатм намудани академия ва ба фаъолияти корӣ дар мақомоти иҷроия ва ҷамоати деҳоти Пули сангин шурӯъ намуданашон табрик намуда, мутахассиси бахши кор бо занон ва оилаи мақомоти иҷроияро барои тибқи озмун ба зинаи таҳсилоти яксолаи магистратураи Академияи идоракунии давлатии назди Президенти Ҷумҳурии Тоҷикистон дохил шудан муборакбод ва дар таҳсилаш муваффақиятҳо таманно намуд.
Тибқи Қонуни Ҷумҳурии Тоҷикистон "Дар бораи муроҷиати шахсони воқеӣ ва ҳуқуқӣ" ҳафтае ду маротиба аз ҷониби раиси шаҳр қабули шаҳрвандон бо масъалаҳои шахсӣ гузаронида мешавад.
Дар доираи нақша чорабиниҳои мақомоти иҷроияи ҳокимияти давлатии шаҳри Норак оид ба мазмун ва мӯҳтавои Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" ва масъалаҳои мубрами руз бо иштироки падару модарон ва хонандагони муассисаи таҳсилоти миёнаи умумии рақами 2 вохӯрии судманд доир гардид .
Санаи 15 январи соли 2021 дар маҷлиси ҷамъбастӣ оид ба натиҷаҳои рушди иҷтимоию иқтисодии шаҳр дар соли 2020 тибқи қарори раиси шаҳри Норак аз 13 апрели 2020, N°24 ғолибони даври шаҳрии озмуни вилоятии "Оид ба муайян намудани беҳтарин шаҳраку деҳот" мувофиқи низомномаи озмун аз рӯйи номинатсияҳои "Беҳтарин ҷамоати деҳот" 2 ҷамоат, "Беҳтарин оила" 6 нафар , "Беҳтарин маҳалла " 3 маҳалла , "Беҳтарин деҳа" 3 деҳа , "Беҳтарин кӯча"3 кӯча ва "Беҳтарин минтақаи манзилӣ" 3 минтақа бо дипломҳои дараҷаи 1,2,3 ва маблағҳои пулӣ, дар маҷмӯъ 13000 ҳазор сомонӣ қадрдонӣ карда шуданд.